Viser arkivet for stikkord padlekurs

STORMSAMLING 2012

Hei alle gode padlevener.

Påmelding til haustens padlehøgdepunkt er no i gang, den 28 til 30 september gjentek Askvoll Padleklubb suksessen frå tidlegare år og arrangerar Stormsamling i Bulandet. Sponsorar er Njord og God Tur.

Som dei siste tre åra vert Stormsamlinga arrangert som ein samling der det sosiale rundt padlinga er det viktigaste. Sidan samlinga på kveldane vert i Floren hos Liv Turid har vi berre 46 plassar tilgjengelege. Så her gjeld det å hive seg rundt å melde seg på!

Det vert arrangert grunnkurs og teknikkurs, medlemmar frå Askvoll padleklubb vil tilby guida turar rundt om i Bulandet begge dagane. For å vere med på samlinga, må du betale for stormpass (gjeld berre dei som ikkje skal vere med på kurs).

Vi samlast i Floren til ei orientering på fredag kvelden kl 21.00, slik får vi med dei som kjem med ferga kl 19.15 frå Askvoll.

På laurdags kvelden vert det verdas beste middag, kaffi og dessert i Floren er inkludert i kurs og pass, det vil vere sal av vin og øl i baren til ho Liv.

Totalt har vi 30 stormpass, 8 plassar på grunnkurs, 8 plassar på teknikkurs. Til saman 46 plassar.
Vi har sett ei aldersgrense på 18 år. Personar under må vere i følgje med føresette.

Etter middagen viser vi innsamla bilete frå dagen. Vi oppmodar dei som har musikkinstrument til å ta med, kanskje får vi til ein ”padleband jam” slik som i fjor.

Overnatting må kvar enkelt ordne med sjølv, sjå på Bulandet Grendalag for hytter og liknande, http://bulandet-grendalag.org/

Ferjetider finn de på www.ruteinfo.net

Kva kostar så dette?:
Stormpass: 1000,- inkl guida turar og middag laurdag
Grunnkurs: 2500,- inkl middag laurdag
Teknikkurs: 2500,- inkl middag laurdag

Leige av kajakk og alt anna utstyr 650,- for heile helga, vi leiger kun ut heile pakkar med kajakk, åre, trekk, våtdrakt, jakke, sko etc.

Send mail til oss på stormsamling@gmail.com for påmelding, betaling og andre detaljar.
Seinaste påmeldings / betalingsfrist er 20 september 2012, hugs at det er bindande påmelding!
Bli fan på Facebook :) her

Antal påmelde per 3 september:

Grunnkurs (8 plassar): 2 påmelde
Teknikkurs (8 plassar): 5 påmelde
Stormpass (30 plassar): 28 påmelde

Har du spørsmål om samlinga, bruk eposten (stormsamling@gmail.com) eller kontakt tlf nr
95834359 (Roger Kløvtveit). Send helst epost :)

Vi sjåast i Bulandet
Styret i Askvoll Padleklubb

Kurs i sommar!

Dersom du ynskkjer å ta grunnkurs i sommar, kan du klikke vidare på denne lenka til Njord. Dei vil halde nokre grunnkurs i løpet av sommaren her i Askvoll.
Kurs i Askvoll

Padlekurs for ungdom i Askvoll

Askvoll Padleklubb gjentek suksessen frå i fjor og inviterar ungdom frå 13- 18 år på gratis grunnkurs i padling. Kurset er for ungdom i Askvoll kommune. Datoane er måndag 21 og tysdag 22. juni. Første veka i skuleferien. Som de ser er kurset over to dagar. Vi tek til klokka 9.00 og held på i ca 8 timar kvar dag. Kurset tek for seg det grunnleggjande i kajakkpadling, og deltakarane får utdelt våttkort etter kurset. Og det beste av alt: Det er gratis..

Påmelding på epost til: odinhest@hotmail.com

Vårslepp i Bulandet

Klubben har teke på seg å arrangere Vårslepp i Bulandet frå den 23 til 25 april. Sponsorar er Njord og God Tur.

Kva skjer? Vi ynskjer å samle padlarar frå fjern og nær til ein knallstart på sesongen i Bulandet. To dagar med flott padling, småprat og skrøner rundt bordet, både fredag og laurdag kveld. Vi har eit begrensa tal plassar og fyrstemann til mølla gjeld.

Det vert Grunnkurs, Teknikkurs og eit einkelt ”Vårpass” for den som berre vil ut å padle. Medlemmer frå Askvoll padleklubb guidar til gode surfeplassar og ein roleg tur.

Vi samlast i Floren til ei orientering på fredag kvelden kl 21.00, slik får vi med dei som kjem med ferga kl 19.15 frå Askvoll.

Verdas beste Laurdagsmiddag med kaffi og dessert i Floren til Liv Turid er inkludert, drikke til maten tek de med sjølve. Totalt har vi 20 Vårpass og 12 plassar på Grunnkurs og 8 plassar på Teknikkurs, tilsaman 40 plassar.

Vi har sett ei aldersgrense på 18 år. Personar under må vere i følgje med føresette.

Etter middagen viser vi dagens innsamla bilete og utfordrar til performance og poesi.

Overnatting må kvar einkelt ordne med sjølv, sjå på Bulandet Grendalag for hytter og liknande.

Kva kostar så dette:

Vårpass – 1000,- inkl guida turar og middag laurdag

Grunnkurs – 2300,- inkl middag laurdag

Teknikkurs – 2300,- inkl middag laurdag

Leige av kajakk og alt anna utstyr 650,-

Send mail til oss på vaarslepp@gmail.com for påmelding, betaling, fergetider og andre detaljar

Seinaste påmeldings / betalingsfrist er 15 april 2010

Bli fan på Facebook, sjå www.facebook.com/pages/Askvoll-Padleklubb

Påmelde per 6 april:

Grunnkurs: 9 påmelde – kun 3 plassar igjen

Teknikkurs: 6 påmelde – kun 2 plassar igjen

Vårpass: 17 påmelde – kun 3 plassar igjen

Padlefilm frå Bulandet

Padlekurset 27. og 28. juli

Då var padlekurset ferdig. Etter litt fram og tilbake var det fire som vart med på dette kurset. Dei lærde mykje, og fekk prøve det meste innan padling. Det vart ein del bading på slutten av kvar dag. Ein sporty gjeng!

Stranda på Olset.